திருப்புறம்பயம்

தல வரலாறு

• • • பிரளய காலத்தில், வெள்ளம் ஊரினுள் புகாதவாறு தடைப்பட்டு, புறத்தே நின்றமையால், இப்பெயர் பெற்றது. இத்தல விநாயகர் பிரளயம் காத்த விநாயகர் எனப்படுகிறார்.

       

    • ஒரு வணிகப் பெண்ணிற்காக, இவ்வூர் இறைவன் மதுரை சென்று, சாட்சி கூறினமையால், சாட்சி நாதர் எனப் பெற்றார். வன்னி மரம், கிணறு, மடைப்பள்ளி (மதுரையிலுள்ளது.)

      

      

      

      

      

      

    • சனகர் முதலிய நால்வருக்கு இறைவன், இத்தலத்தில் அறத்தை உணர்த்தினார்.

தேவாரப் பாடல்கள்	: 1. சம்பந்தர்	- மறம்பய மலைந்தவர். 
			  2. அப்பர்	- கொடிமாட நீடெருவு. 
			  3. சுந்தரர்	- அங்கம் ஓதியோர்

சிறப்புகள்

• • • இத்தல விநாயகர் (பிரளயங்காத்த விநாயகர்) சிப்பி, சங்குகளால் ஆக்கப்பெற்றவர். ஆண்டுதோறும், ஆவணி மாதத்துச் சதுர்த்தியில் ஒரு ஆடம் தேன் அபிஷேகம் நடைபெறுகிறது. அவ்வளவு தேனும் அவர் திருமேனியில் சுவறி விடுகிறது.

      

    • இக் கோவில் பணிமகள் ஒருவரைக் கொன்று, அவ்வம்மையாருடைய அணிகலன்களை திருடிய ஒடம் விடுபவன், தானும் ஆற்றைக் கடப்பதற்குள், ஆற்றில் தவறி விழுந்து இறந்தான். இச்செய்தியைச் சுந்தரர், தம் பாடலில் குறிப்பிட்டுள்ளார்.

       

    • இக்கோவில் மதுரை ஆதீன அருளாட்சிக்கு உட்பட்டது.

       

    • சோழர் கால கல்வெட்டுகள் 11 படி எடுக்கப்பட்டுள்ளன.

அமைவிடம் மாநிலம் : தமிழ் நாடு இது, கும்பகோணத்திற்கு வடமேற்கே 9-கி.மீ.தூரத்தில் உள்ளது. கும்பகோணத்திலிருந்து பேருந்து வசதி உள்ளது. தொடர்பு : 0435 – 2459519, 09444626632.

Please follow and like us: