திருவண்ணாமலை தீபத் திருவிழா: ஆன்-லைன் டிக்கெட் விற்பனை

திருவண்ணாமலை அருணாசலேஸ்வரர் கோயில் கார்த்திகை தீபத்திருவிழா, கடந்த 14ம் தேதி கொடியேற்றத்துடன் தொடங்கி விமரிசையாக நடந்து வருகிறது. விழாவின் நிறைவாக, வரும் 23ம் தேதி அதிகாலை 4 மணிக்கு பரணி தீபமும், மாலை 6 மணிக்கு மகாதீபமும் ஏற்றப்படும்.

அதையொட்டி, பரணி தீபம், மகா தீபம் தரிசனம் செய்ய சிறப்பு கட்டண தரிசன டிக்கெட், இன்று காலை 11 மணிக்கு ஆன்லைனில் விற்பனை செய்யப்படுகிறது. அதன்படி, பரணி தீப தரிசனத்துக்கு, 500 ரூபாய் கட்டணத்தில், 500 டிக்கெட் மட்டுமே வழங்கப்படும். மாலையில் நடைபெறும் மகா தீப தரிசனத்துக்கு, 500 ரூபாய் கட்டணத்தில், 1,000 டிக்கெட்கள், 600 ரூபாய் கட்டணத்தில், 100 டிக்கெட்கள் வழங்கப்படும்.

எனவே, சிறப்பு கட்டண தரிசன டிக்கெட்கள் பெற விரும்பும் பக்தர்கள் ww.arunachaleswarartemple.tnhrce.in என்ற இணையதளத்தில் ஆன்லைனில் கட்டணம் செலுத்தி பெற்றுக்கொள்ளலாம்.

Please follow and like us:

please support us continue spiritual services

for Adervertisment call us : 044 42133377 / 9840835328

email us : tidalworld@gmail.com